CakWi5

BAB PETUNG 2
Wetone penganten lanang wadon neptune ditambah banjur kabagi 10 utawa 7, turahe ora kena luwih saka 7.Menawa kabagi 10 turahe luwih saka 7,iku banjur dibagi 7,angka turahane nuduhake ketemuning petungan.
Umpama penganten lanang wetone Rebo Paing, kang wadon Kemis Pon,neptune ana 7+9+8+7=31, kabagi 10 turah 1,petungan mau tiba : WASESASEGARA.
Dene umpama gunggunge neptu mau ketemu 28, iku manawa kabagi 10,ketemu turah 8,dadi luwih saka 7,iku ora kena mula ora kabagi 10,nanging kudu kabagi 7,ing kono ketemu turah 7,petungane tiba: LEBU KATIUP ANGIN, Pretelane kaya ing ngisor iki.

yen turah:

SIJI : WASESA SEGARA, kamot,jembar budine,sugih pangapura,gedhe prabawane
Loro : TUNGGAK SEMI, cepak rejekine
TELU : SATRIYA WIBAWA, oleh kamulyan lan kaluhuran
PAPAT : SUMUR SINIBA, dadi pangungsening kapinteran
LIMO : SATRIA WIRANG, nandhang dukacipta,kawirangan,isarat panulake ngetokake getih,umpama mbeleh ayam
ENEM : BUMI KAPETAK, petengan aten,nanging taberi ing gawe,kuat nandang lara lapa, resikan,isarat panulake mendhem lemah
PITU : LEBU KATIUP ANGIN, nandhang papa cintraka, kabeh karepe ora dadi, kerep ngalih omah,isarat panulake ngabul abul lemah.

Petung 2
Wetone penganten lanang wadon dina lan pasarane neptune dibagi 5 turah pira:
Yen turah :
1.SRI
2.DANA
3.LARA
4.PATI
5.LUNGGUH.
Kang becik yen tiba: sri,dana,lungguh. Yen tiba :lara utawi pati,iku ala.
KETERANGAN: umpama penganten lanang wetone AKAD WAGE, neptune 5+9,kang wadon Slasa Legi, neptune 3+5=8, lanang wadon neptune 9+8=17 dibage 5 turah2,turah 2, tiba dana iku becik.